Viðskiptafræðistofnun

Rannsóknamiðstöð um stjórnarhætti (Center of Corporate Governance - CCG) er vísindaleg rannsóknastofa sem starfrækt er í tengslum við Viðskiptafræðistofnun Háskóla Íslands (Institute for Business Research, University of Iceland). Forstöðumaður rannsóknamiðstöðvarinnar er dr. Eyþór Ívar Jónsson, gestadósent við Viðskiptaháskólann í Kaupmannahöfn.

Rannsóknamiðstöðin er vettvangur rannsókna- og þróunarstarfs á sviði stjórnarhátta í víðum skilningi.

Hlutverk rannsóknamiðstöðvarinnar er að:

• Stunda rannsóknir á sviði stjórnarhátta í sterkum tengslum við atvinnu- og þjóðlíf og kynna þær,

• Vera bakland kennslu í stjórnarháttum og eiga þátt í þjálfun meistara- og doktorsnema í rannsóknum á sviðinu,

• Byggja upp tengsl og efla samstarf við innlenda og erlenda rannsóknaraðila á sviði stjórnarhátta,

• Vinna þjónustuverkefni á sviði stjórnarhátta,

• Gangast fyrir atburðum sem varða stjórnarhætti.

Í stjórn rannsóknarmiðstöðvarinnar eru Þráinn Eggertsson, prófessor við Háskóla Íslands; Benedikt Jóhannesson, framkvæmdastjóri Heims ehf.; Þórður Friðjónsson, framkvæmdastjóri Nasdaq OMX á Íslandi; Runólfur Smári Steinþórsson, prófessor við Háskóla Íslands og Eyþór Ívar Jónsson. Allir stjórnarmenn hafa mikla reynslu af stjórnarstörfum og þekkingu á rannsóknum á stjórnarháttum.

Rannsóknarmiðstöð um stjórnarhætti hefur einnig fengið alþjóðlega sérfræðinga til þess að sitja í sérstöku ráðgjafarráði. Ráðgefandi stjórn rannsóknarmiðstöðvarinnar skipa: Chris Pierce, framkvæmdastjóri Global Governance Services; Martin Hilb, prófessor við University of St. Gallen; Morten Huse, prófessor við BI; og Steen Thomsen, prófessor við CBS.